अमृत सरोवर, शेततळे, जलसाठ्यांचे पुनरुज्जीवन व पाणीपुरवठा योजनांमुळे गावातील पिण्याच्या पाण्याची टंचाई कमी होऊन जलसुरक्षा मजबूत झाली आहे. यामुळे शेतीसाठी पाण्याची उपलब्धता वाढून शेतकऱ्यांचे उत्पन्न स्थिर होण्यास मदत होणार आहे. ग्रे-वॉटर व्यवस्थापनासाठी निचरा लाईन व कालवा निर्मितीमुळे स्वच्छता सुधारली, आजारांचे प्रमाण कमी होईल आणि पर्यावरण संतुलन राखले जाईल.

शिक्षण क्षेत्रात ई-लायब्ररीची उभारणी व शाळा/अंगणवाड्यांसाठी LED दिव्यांची व्यवस्था केल्यामुळे विद्यार्थ्यांना आधुनिक, सुरक्षित व प्रेरक शिक्षण वातावरण मिळाले आहे. पोषण बाग (न्यूट्री गार्डन) उपक्रमामुळे महिला व बालकांचे पोषण, आरोग्य व स्वयंपूर्णता वाढीस लागली आहे. वैयक्तिक घरांसाठी कंपोस्ट खड्ड्यांमुळे घनकचरा व्यवस्थापन सुलभ झाले असून सेंद्रिय खत उपलब्ध होऊन स्वच्छ व हरित गावाची संकल्पना प्रत्यक्षात येत आहे. ग्रामपंचायत भवनासाठी फर्निचर व साहित्यामुळे कारभार अधिक कार्यक्षम, पारदर्शक व नागरिकाभिमुख झाला आहे. एकूणच, हे उपक्रम गावाला स्वच्छ, सशक्त, आरोग्यदायी आणि प्रगत बनविण्याच्या दिशेने महत्त्वाचे पाऊल ठरत असून लोकसहभागातून गावाचा उज्ज्वल भविष्याकडे वाटचाल होत आहे.